Sääʹm-museo resurssvääʹnn miâlǥad tuõttvuõtt- da suåvâdvuõtt-tuâj – Pueʹtted tiõrvân kuullâd sääʹm kulttuurääʹrb maacctõõvvmõõžžâst õutstõõzzees!
Sääʹm museotäʹvvri maacctummuš sääʹmõutstõõzzid puʹrǧǧad koloniaalʼlaž rajjsid di teâudd tuõttvuõtt- da suåvâdvuõtt-tuâj riikk da alggmeer kõõskâst. Tän vääras Lääʹddjânnam oʹdinakai sääʹm-museo, Siida Aanrest, taarbaš lââʹzz resuursid. Siida lij norldõõǥǥees peäʹlnn…
Kåčč Sääʹmtäʹvvri mäccmõõžž leʹbe repatriaatio miârktõs da vueiʹttemvuõđ sääʹmõutstõʹsse – pååđčiõlǥtõs õlmstâʹttemšõddmõʹšše
SAVE THE DATE | MIEʹRǨǨED PÂÂJAS: 20.2. čiâss 12-13:30, Teams
Säʹmmlai vuõiggâdvuõttsââʹj ouddnummuš årsti 90-lååǥǥast õõuʹdmõssân jeeʹresnallšem pââlai diõtt – Vaaikte õinn rinnu sääʹm-meäʹrteeʹlmest
“Läʹddla meärtâʹlle säʹmmlaid mâʹte puärraz päärneez, mii siʹjjid lij pueʹrren” – Čiõlǥtõs: Lääʹddjânnam sääʹmpolitiikk štempplâstt jiõččmieʹrreemvuõiggâdvuõđ da puuʹttes kuullmõõžž vääʹnn
“Jåårǥnallšem tääʹssärvv lij årstâttam säʹmmlai vuõiggâdvuõđi ouddnummuž” – Tiõrv pueʹttmest Lehtola da Guttoorm pååđčiõlǥtõõzzi õlmstâʹttemšõddmõʹšše seärad 5.2.
Tuõttvuõtt- da suåvâdvuõttkomissio ǩiččlõõttmõššân lij lââʹzzted tieʹttemvuõđ säʹmmlain Lääʹdd alggmeeran da raaveed säʹmmlai vuõiggâdvuõđi teâuddjummuž Lääʹddjânnmest.
Komissio personkuullmõõžž lie puuttâm
Späʹssbõõššâp tiʹjjid pâʹjjel 350 säʹmmla, ǥu
mušttlid jiijjâd ǩiõččlâsttmõõžžid komissio tuõjju! Väʹlddep veâlâinn vuâstta ǩeerjlaž kuullmõõžžid da taarb mieʹldd riâššâp äʹšštobddi- da teeʹmmkuullmõõžžid.
Vääʹld õhttvuõđ www.sdtsk.fi/ohttvuott-tead
Riikksuåvtõs lij piijjâm Säʹmmlai tuõttvuõtt- da suåvâdvuõttkomissio riikksuåvtõõzz išttmõõžžâst 28. kålggmannu.
Komissio tuâj täävtõssân lij noorrâd säʹmmlai ǩiõččlâsttmõõžžid Lääʹddjânnam riikk da jeeʹres veʹrǧǧniiʹǩǩi tuåimin da tuejjeed tän teâđ kuâsttjeeʹjen.
Riikksuåvtõs tuʹmmji 23.11.2023 õnnum såbbrest juäʹtǩǩed Säʹmmlai tuõttvuõtt – da suåvâdvuõttkomissio tuâj. Komissio tuâj jueʹtǩet väʹlddminister Petteri Orpo halltõsprograamm meâldlânji rosttovmannu 31 peeiʹv 2025 räjja.
Säʹmmlai tuõttvuõtt- da suåvâdvuõttproseeʹss vueiʹvvmieʹrren lij:
- Tobddâd da ärvvtõõllâd säʹmmlai historialʼlaž da ânnʼjõž čårstummuž, lokku vääʹldeeʹl valdia suddeempolitiikk, di vuõiggâdvuõđi neuʹrrummšid.
- Seʹlvvted, mõõnnalla tät vaaikat säʹmmlaid da sij õutstõʹsse ânnʼjõž sââʹjest.
- Eʹtǩǩeed, mäʹhtt vueiʹtet viikkâd ooudâs õhttvuõđ säʹmmlai da Lääʹddjânnam kõõskâst di säʹmmlai kõõskâst.
- Lââʹzzted tieʹttemvuõđ säʹmmlain Lääʹddjânnam alggmeerun.
Teʹlfonkääzzkõs 040 663 8882
Aarǥi čiâss 8-16
www.uvja.fi/ks/
Uvjj taʹrjjad sääʹmǩiõllsaž da sääʹmkulttuur meâldlaž vueʹllǥaž kõddâz miõlltiõrvâsvuõttkääzzkõõzzid – vuä´ppõõzzid, tuärj da kriistuâj jiijjâs jieʹnnǩiõʹlle (tâʹvvsääʹm-, aanarsääʹm-, nuõrttsääʹm- leʹbe lääʹddǩiõʹlle).
Kääzzkõs lij määusteʹmes. Uvjj lij vuâđđuum tuärjjeed säʹmmlai da Lääʹddjânnam valdia kõskksaž tuõttvuõtt- da suåvâdvuõttkomissiotuâj leša õhttvuõđ vuäitt väʹldded huõlǩani tõʹst, vuässââtt-a tuõttvuõtt-da suåvâdvuõttkomissio kuullmõõžžid.