Säʹmmlai tuõttvuõtt- da suåvâdvuõttkomissio juätǩǩ kuullâmpooʹddid
15.10.2024 räjja!
Ainsmââtt, što tuu teâđ lie mieʹldd teʹl ko komissio raportâstt riikksuåvtõõzz säʹmmlai ǩiõččlâstmõõžžin.
VEÂL ǨIÕRGGNAK – VÄÄ´LD ÕHTTVUÕĐ!
www.sdtsk.fi/ohttvuott-tead/
MIEʹRǨǨED PÂÂJAS – AANARSÄʹMMLA DA AANARSÄÄʹM KULTTUUR JIEʹLLEMVIÕKKSAŽVUÕTT -čiõlǥtõs õlmstââʹttet piâtnâc 1.11. čiâss 9-12
AANARSÄʹMMLA DA AANARSÄÄʹM KULTTUUR JIEʹLLEMVIÕKKSAŽVUÕTT -čiõlǥtõs õlmstââʹttet piâtnâc 1.11. Sajoozzâst Aanrest. Čiõlǥtõõzz lij raajjâm tuʹtǩǩeei Kaisu Nikula. Čiõlǥtõs kooll Säʹmmlai tuõttvuõtt- da suåvâdvuõttkomissio tuõjju. Šõddmõš lij sääʹm- da lääʹddǩiõllsaž da…
Pueʹtted tiõrvân âʹbrrjohss-säʹmmlai joukk-kuullmõʹšše
Måkkam tååimid taarbšet sääʹmkulttuur seeiltummša äimmõsmuttâz teäddõõzzâst? Puäʹđ kuvddled ođđ čiõlǥtõõzz puäđõõzzid da saǥǥstõõllâd vu 16.9. Teams-pääiʹǩest!
Äimmõsmuttâz vaaiktõõzz Lääʹddjânnam sääʹm kulttuuʹre
Sää´m-museo Siida da Säʹmmlai tuõttvuõtt- da suåvâdvuõttkomissio Vuõccust 10.8.2024
Äʹšštobddipaneeʹl: Suåvâdvuõtt säʹmmlai da riikk kõõskâst ooudald alggmeer jiõččmieʹrreemvuõiggâdvuõđ ciistâst âânnmõõžž
Lääʹddjânnam sääʹm kulttuuʹre -čiõlǥtõs õlmstâʹtted vuõssaarǥ 16.9. Čiõlǥtõõzz lij raajjâm tuʹtǩǩeeijoukk Klemetti Näkkäläjärvi – Jouni J.K. Jaakkola – Suvi Juntunen.
Tuõttvuõtt- da suåvâdvuõttkomissio ǩiččlõõttmõššân lij lââʹzzted tieʹttemvuõđ säʹmmlain Lääʹdd alggmeeran da raaveed säʹmmlai vuõiggâdvuõđi teâuddjummuž Lääʹddjânnmest.
Vuäitak suåppâd kuullmõõžž ääiʹjpooddâst da kuullâmnääʹlest vääʹldeeʹl õhttvuõđ komissio piisarkådda addrõõzzâst info@sdtsk.fi leʹbe soiʹttjeeʹl ǩeäzz-ne piisarkååʹdd vuäzzliʹžže (õhttvuõđteâđ vueʹlnn leʹbe õhttvuõđteâđ- seeidast). Kuullmõš vueiʹtet riâššâd jiijjad põõrtâst, koʹst-ne jeeʹrab suåppum sââʹjest, leʹbe vueiʹtlvažvuõđi mieʹldd ouddm. åuggan. Komissio reäšš še joukkmaall mieʹldd plaanuum kuullmõõžžid, koin teâđtet jeeʹrab.
Vuäitak tååimted jiijjad kuullmõõžž še ǩeerjlânji. Raʹvvjõs ǩeerjlaž toobdâlm tååimtummša iʹlmmtet mâʹŋŋlubust.
Riikksuåvtõs lij piijjâm Säʹmmlai tuõttvuõtt- da suåvâdvuõttkomissio riikksuåvtõõzz išttmõõžžâst 28. kålggmannu.
Komissio tuâj täävtõssân lij noorrâd säʹmmlai ǩiõččlâsttmõõžžid Lääʹddjânnam riikk da jeeʹres veʹrǧǧniiʹǩǩi tuåimin da tuejjeed tän teâđ kuâsttjeeʹjen.
Riikksuåvtõs tuʹmmji 23.11.2023 õnnum såbbrest juäʹtǩǩed Säʹmmlai tuõttvuõtt – da suåvâdvuõttkomissio tuâj. Komissio tuâj jueʹtǩet väʹlddminister Petteri Orpo halltõsprograamm meâldlânji rosttovmannu 31 peeiʹv 2025 räjja.
Säʹmmlai tuõttvuõtt- da suåvâdvuõttproseeʹss vueiʹvvmieʹrren lij:
- Tobddâd da ärvvtõõllâd säʹmmlai historialʼlaž da ânnʼjõž čårstummuž, lokku vääʹldeeʹl valdia suddeempolitiikk, di vuõiggâdvuõđi neuʹrrummšid.
- Seʹlvvted, mõõnnalla tät vaaikat säʹmmlaid da sij õutstõʹsse ânnʼjõž sââʹjest.
- Eʹtǩǩeed, mäʹhtt vueiʹtet viikkâd ooudâs õhttvuõđ säʹmmlai da Lääʹddjânnam kõõskâst di säʹmmlai kõõskâst.
- Lââʹzzted tieʹttemvuõđ säʹmmlain Lääʹddjânnam alggmeerun.
Teʹlfonkääzzkõs 040 663 8882
Aarǥi čiâss 8-16
www.uvja.fi/ks/
Uvjj taʹrjjad sääʹmǩiõllsaž da sääʹmkulttuur meâldlaž vueʹllǥaž kõddâz miõlltiõrvâsvuõttkääzzkõõzzid – vuä´ppõõzzid, tuärj da kriistuâj jiijjâs jieʹnnǩiõʹlle (tâʹvvsääʹm-, aanarsääʹm-, nuõrttsääʹm- leʹbe lääʹddǩiõʹlle).
Kääzzkõs lij määusteʹmes. Uvjj lij vuâđđuum tuärjjeed säʹmmlai da Lääʹddjânnam valdia kõskksaž tuõttvuõtt- da suåvâdvuõttkomissiotuâj leša õhttvuõđ vuäitt väʹldded huõlǩani tõʹst, vuässââtt-a tuõttvuõtt-da suåvâdvuõttkomissio kuullmõõžžid.