Pueʹtted tiõrvân Jeʹvida-jieʹllikaart määusteʹmes čuäjtõʹsse, saǥǥstõõllâmpoʹdde da vuässõõttâd kuullmõõžžid.
Säʹmmlai tuõttvuõtt- da suåvâdvuõttkomissio reäšš määusteʹmes Jeʹvida čuäjtõõzz Oulust Star-jieʹllikartt-teattrest 22.11.2023 čiâss 17. Teatterkueʹrnca čääkk 50 ooumžed. Jieʹllikaart mâŋŋa juäʹtǩǩep saǥǥstõõllâmpooddin, koʹst komissio lââʹssen mieʹldd lie jieʹllikaart ohjjeei Katja Gauriloff da Uvjj- Uvjâ- Uvja Sääʹm psykososiaal’laž tuärj juâkkaz tuâjjlaž. Komissio čuäjtââll še tååimeez da
mušttal, mäʹhtt vuäitt vuässõõttâd komissio tuõjju, leʹbe måkam lij leämmaž da lij leeʹd da jieʹlled säʹmmliʹžžen Lääʹddjânnmest.
Saǥǥstõõllâmpodd älgg čiâss 18.45 da tõõzz vuäitt vuässõõttâd, håʹt ij vuässõõđ jieʹllikaart ǩiõččmõʹšše.
Jieʹllikaart ǩiõččmõʹšše leʹbe saǥǥstõõllâmpoʹdde ij taarbaš jeeʹrab iʹlmmtõõttâd.
Päiʹǩǩ: Jieʹllikartt-teatter Star, Kalliotie 6, 90500 Oulu.
Äiʹǧǧ: Jieʹllikartt čiâss 17, saǥǥstõõllâmpodd čiâss 18.45-20.30.
Kuullâmpoodd
Komissio kåčč Oulu vuuʹd säʹmmlaid kuullâmpooddid 22.-24.11. Kuullâmpooddid vuäitt vaʹrrjed še tän ääiʹj åålǥbeäʹln. Vueiʹttep kuullâd tuu Aleksinkulma pääiʹǩest (Aleksanterinkatu 9), tuu põõrtâst, leʹbe jeeʹres pääiʹǩest tuu tuõiv mieʹldd. Vuäitak raukkâd mieʹldd kuullâmpoʹdde Sääʹm psykososiaal’laž tuärj juâkkaz (Uvjj- Uvjâ- Uvja, www.uvja.fi) tuâjjla. Vuäitak vuässõõttâd kuullâmpoʹdde õhttu leʹbe jooukin. Lââʹssteâđ kuullmõõžžin käunnai neʹttseeidain www.sdtsk.fi/kuullmõõžž.
Vuâlbeäʹlnn õhttvuõtt-teâđ, koʹst vuäitak vaʹrrjed kuullâmpoodd:
Säʹmmlai tuõttvuõtt- da suåvâdvuõttkomissio õhttsaž neʹttpååʹšt: info@sdtsk.fi
Plaaneei Inari Alanko: inari.alanko@sdtsk.fi leʹbe 050 478 4450
Komissaar Anni-Siiri Länsman: anni-siiri.lansman@sdtsk.fi leʹbe 050 577 3630
