– Tiervâpuáttim Je’vida-fiilmâ nuuvtá čáittusân, savâstâllâmtilálâšvuotân já kulâmáid
Sämmilij tuotâvuotâ- já sovâdâttâmkomissio uárnee nuuvtá Je’vida čáittus Oulust Star-elleekoveteatterist 22.11. tme 17. Salin čäähih 50 olmožid. Fiilmâ maŋa juátkip savâstâllâmtilálâšvuođáin, mast láá komissio lasseen fáárust fiilmâ stivrejeijee Katja Gauriloff já Uvjj- Uvjâ- Uvja Säämi psykososiaallâš torjuu ohtâduv pargee.
Komissio oovdânpuáhtá pargoos já muštâl, maht puávtáh uásálistiđ komissio paargon ađai muštâliđ maggaar lii lamaš já lii eelliđ sämmilâžžân Suomâst.
Tijme 18.45 álgá savâstâllâmtilálâšvuotâ moos puáhtá uásálistiđ, veikkâ ij puáđáččiigin keččâđ fiilmâ.
Fiilmân tâi savâstâllâmtilálâšvuotân ij taarbâš sierâ almottâttâđ.
Saje: Elleekoveteatter Star, Kalliotie 6, 90500 Oulu.
Äigi: Filmâ tme 17, savâstâllâmtilálâšvuotâ tme 18.45-20.30.
Kulâmeh
Komissio puávdee Oulu kuávlu sämmilijd kulâmáid 22.-24.11. Kulâmijd puáhtá väridiđ meid eres peeivijn. Mij pyehtip kuullâđ tuu Aleksikulmeest (Aleksanterinkatu 9), tuu pääihist, tâi eres saajeest, mon tuáivuh. Jis halijdah, te pyehtip pivdeđ pääihi oolâ Säämi psykososiaallâš torjuu ohtâduv (Uvjj- Uvjâ- Uvja, www.uvja.fi) pargee. Tun puávtáh uásálistiđ kulâmân ohtuu tâi juávhust. Lasetiäđuh kulâmijn kávnojeh mii nettisijđoin www.sdtsk.fi/smn/kulameh/ .
Ohtâvuotâtiäđuh, moi peht puávtáh väridiđ kuullâm:
Sämmilij tuotâvuotâ- já sovâdâttâmkomissio ohtsâš šleđgâpostâ info@sdtsk.fi
Vuávájeijee Inari Alanko: inari.alanko@sdtsk.fi tâi 050 478 4450
Komissaar Anni-Siiri Länsman: anni-siiri.lansman@sdtsk.fi tai 050 577 3630
