– Bures boahtin Je’vida-filmma nuvttáčájáhussii, ságastallandilálašvuhtii ja gullamiidda
Sámiid duohtavuohta- ja soabadankomišuvdna lágida nuvttá Je’vida-čájáhusa Oulus Star-ealligovvateáhteris 22.11. dmu 17. Sálii čáhket 50 olbmo. Ealligova maŋŋá joatkit ságastallandilálašvuođain, mas leat komišuvnna lassin mielde filmma bagadalli Katja Gauriloff ja Uvjj- Uvjâ- Uvja Sámi psykososiála doarjaga ovttadaga bargi. Komišuvdna ovdanbuktá maiddái iežas barggu ja muitala, mot sáhttá searvat komišuvnna bargui dahjege muitalit, makkár lea leamaš ja lea eallit sápmelažžan Suomas.
Ságastallandilálašvuohta álgá dmu 18.45 ja dasa sáhttá searvat, vaikko ii boađáše geahččat ealligova.
Ealligovvii dahje ságastallandilálašvuhtii ii dárbbaš dieđihit sierra.
Báiki: Ealligovvateáhter Star, Kalliotie 6, 90500 Oulu.
Áigi: Ealligovva dmu 17, ságastallandilálašvuohta dmu 18.45–20.30.
Gullamat
Komišuvdna bovde Oulu guovllu sápmelaččaid gullamiidda 22.–24.11. Gullamiid sáhttá várret maiddái dán áiggi olggobealde. Mii sáhttit gullat Du Aleksinkulmas (Aleksanterinkatu 9), du ruovttus, dahje eará báikkis du sávaldaga mielde. Háliidettiinat sáhtát maiddái bivdit mielde Sámi psykososiála doarjaga ovttadaga (Uvjj- Uvjâ- Uvja, www.uvja.fi) bargi. Sáhtát searvat gullamii okto dahje joavkkuin. Lassedieđut gullamiid birra gávdnojit min neahttasiidduin www.sdtsk.fi/gullamat.
Vulobealde oktavuođadieđut, maid bokte sáhtát várret gullama:
Sámiid duohtavuohta- ja soabadankomišuvnna almmolaš šleađgaboasta: info@sdtsk.fi
Plánejeaddji Inari Alanko: inari.alanko@sdtsk.fi dahje 050 478 4450
Komissára Anni-Siiri Länsman: anni-siiri.lansman@sdtsk.fi dahje 050 577 3630
