Sámediggi mearridii ikte 9.8.2022, ahte guokte earránan komissára sadjái eai namahuvvo ođđa komissárat. Sámediggi áigu bidjat barggu gaskaboddosaš boddui.
Dál lea vealtameahttun nu jođánit go vejolaš ságastallat dál šaddan dilis buot komišuvnna ásaheddjiiguin (Stáhtaráđi kansliijain, Sámedikkiin ja Nuorttalaččaid siidačoahkkimiin) ja das, sáhttágo komišuvdna joatkit doaimmas.
“Dán dilis ii sáhte leat eará go morašlaš. Nu máŋgasat Sámis leat vuordán, ahte besset muitalit komišuvdnii sin vásáhusain. Mis lei dárkkuhus álggahit gullamiid boahtte čavčča,” dadjá komišuvnna ságadoalli Hannele Pokka.