Komišuvnna čakčabadji vuolgá johtui ságastallandilálašvuođain, mii lea oaivvilduvvon Helssega guovllu sámiide ja ordnejuvvo Guovddášgirjerádju Oodis maŋŋebárgga 15.8. dmu 18-20. Dilálašvuođain bidjet johtui oaivegávpotguovllu sámiid gullamiid. Komišuvdna muitala eahketdilálašvuođas iežas doaimmain ja sávvá fidnet sámiin evttohusaid gullamiid čađaheames oaivegávpotguovllus.
Helssega gávpogis orrot sámediggeválggaid 2019 oktavuođas čohkkejuvvon statistihkaid mielde oktiibuot sullii 650 sápmelačča, mii lea viđádin eanemus Suoma gielddain.
Komišuvdna oassálastá Anáris ordnejuvvon Ijahis idja –festiválii bearjadaga ja lávvardaga 18.-19.8. ja ovdanbuktá doaimmaidis festivála márkanguovllus.
Buresboahtin!