Komissio čõhčč jåttai Heʹlssen vuuʹd säʹmmlaid piʹjjum saǥǥstõõllâmpooddin Kõõskõsǩeʹrjjpõrtt Oodist mâ 15.8. čiâss 18-20. Kaaunõõttmõõžž mieʹrren lij aalǥted vueiʹvvgååradvuuʹdest säʹmmlai kuullâmpooddid. Komissio maainâst saǥǥstõõllâmpooddest tåimsteez da tuäivv säʹmmlain eʹtǩǩõõzzid mäʹhtt tuâj vuäitči čõõđted vuuʹdest.
Heʹlssen gåårad lij sääʹmteʹǧǧvaali õhttvuõđâst norrum statistiikk vuâđald Lääʹddjânnam viiđad šuurmõs sääʹmnarood kõõskõs. Gåårdest jäälast eeʹjj 2019 statistiikk mieʹldd nuʹtt 650 säʹmmla.
Komissio vuässââtt Aanrest järjstum Ijahis Idja -festivaaʹle piâtnâc da sueʹvet 18.-19.8. da čuäjtââll tååimeez feʹstivaal markkân-vuuʹdest.
Pueʹtted tiõrvân!