Ohcanáigi váldočálli ja plánejeaddji báikkiide nogai lávvardaga 22.10. dii 16.15. Váldočálli báikki ohce oktiibuot guhtta olbmo. Ohccit leat Ulla Aikio-Puoskari, Tuuli Miettunen, Maiju Saijets ja Jukka Pelli. Guokte ohcci eaba háliidan almmuhit iežaska namaid almmolašvuhtii.
Plánejeaddji báikki ozaiga Jukka Pelli ja ohcci, gii ii háliidan almmuhit iežas nama almmolašvuhtii.
Komišuvdna čoahkkana lagaš beaivviid áigge mearridit, geat bovdejuvvojit jearahallamii. Komišuvnna ulbmilin lea, ahte ođđa váldočálli ja plánejeaddji beasašeigga alggahit barggu nu jođanit go vejolaš.