Buresboahtin sámiid duohtavuohta- ja soabadankomišuvnna ordnen dilálašvuhtii oaivvilduvvon Oulu guovllu sámi nuoraide! Deaivvadeapmi lágiduvvo vuossárgga 22.4 Joo-gáfeas (Satamatie 5) dii 15-18. Deaivvadeamis fállat gáfe, bullá ja láibbi ja sáhtát váldit mielde vaikko iežat dujiid juos háliidat.
Deaivvadeami ulbmilin lea oahpásmuvvat komišuvnna bargui ja ságastallat áššiid birra, mat leat dehálaččat sámi nuoraide Suomas. Dilálašvuođas sáhtát várret áiggi gullamii. Komišuvdna háliida gullat sámiid nuoraid jiena ja sin vásáhusaid ja mo lea eallit sápmelaš nuorran Suomas. Dilálašvuhtii oassálastá maid bargi Lahja Eriksen Sámiid psykososiála doarjaga ovttadagas Uvjjas.
Komišuvnna bealis dilálašvuhtii báikki alde leaba komissára Ánne-Sire Länsman ja plánejeaddji Inari Alanko. Lassegažaldagaid sáhttá jearrat Inari Alankos čujuhusas inari.alanko@sdtsk.fi dahje nummiris 050 478 4450. Deaivvadeapmái ii dárbbaš almmuhit ovddalgihtii. Buresboahtin!