Skip to content
Sámiid duohtavuohta- ja soabadankomišuvdna joatká
ovttaskas olbmuid gullamiid
15.10.2024 rádjái!
Amma sihkkarastat, ahte du dieđut leat mielde dalle go komišuvdna raportere stáhtaráđđái sámiid vásáhusain.
AIN GEARGGAT – VÁLDDE OKTAVUOĐA!
www.sdtsk.fi/oktavuodadiedut

Áigeguovdil

Olmmošvuoigatvuođaáššedovdi Martin Scheinin čállin vuoigatvuođalaš sierračielggadus´Riikkaidgaskasaš eamiálbmotvuoigatvuođat ja daid ollašuvvan Suomas’ almmustahttindilálašvuohta ja panelaságastallan fáttás lei vuossárgga 20.5. Helssega universitehtas. (Govva: STT/Lehtikuva)

Geahča video
almmustahttimis dás
Loga
sierračielggadeami dás

Sámiid duohtavuohta- ja soabadankomišuvnna deháleamos bargu lea gullat sápmelaččaid, ovttaskas olbmuid ja joavkkuid. Komišuvnna viggamuššan lea lasihit diđolašvuođa sámiid birra Suoma eamiálbmogin ja nannet sámiid vuoigatvuođaid ollašuvvama Suomas.

Mot mun beasan gullojuvvot?

Sáhtát soahpat gullandilálašvuhtii heivvolaš áiggi ja gullanvuogi váldimiin oktavuođa komišuvnna čállingoddái čujuhussii info@sdtsk.fi dahje riŋgemiin geasa nu čállingotti lahttui dehe komissárii (www.sdtsk.fi/se/oktavuodadiedut). Mii sáhttit ordnet gullama du ruovttus, gos nu sierra sohppojuvvon báikkis, dahje vejolašvuođaid mielde ovdamearkka dihte olgun. Lea vejolaš lágidit gullamiid maiddái joavkkuide.

Koska et ole hyväksynyt evästeitä, upotettua sisältöä ei näytetä.

Nillá Piera Ánne-Sire dearvvuođat Kárašjogas Norgga Sámedikkis, mii gieđahalai Norgga duohtavuohta- ja soabadankomišuvnna raportta 6.-8.3.2024.

Koska et ole hyväksynyt evästeitä, upotettua sisältöä ei näytetä.

Komissára Irja Jefremoff

Koska et ole hyväksynyt evästeitä, upotettua sisältöä ei näytetä.

Komissára Kari Mäkinen

Stáhtaráđđi lea ásahan Sámiid duohtavuohta- ja soabadankomišuvnna stáhtaráđi čoahkkimis 28. golggotmánu.
Kommišuvnna barggu mihttomearri lea čohkket sápmelaččaid vásáhusaid Suoma stáhta ja sierra virgeoapmahaččaid doaimmain ja dahkat dán dieđu oinnolažžan.

Stáhtaráđđi mearridii čoahkkimistis 23.11.2023 joatkit sámiid duohtavuohta- ja soabadankomišuvnna barggu. Komišuvnna bargu joatkkašuvvá stáhtaministtar Petteri Orpo ráđđehusprográmma mielde 31. juovlamánu 2025 rádjái. 

Sámiid duohtavuohta- ja soabadanproseassa mihttomearrin lea:

  • Dovddastit ja árvvoštallat sápmelaččaid historjjálaš ja dáláš vealaheami, maiddái stáhta assimilerenpolitihka, ja vuoigatvuođaid loavkidemiid.
  • Čielggadit, mo dát váikkuha sápmelaččaide ja sin servodahkii dáláš dilis.
  • Evttohit, mo sáhtášii ovddidit oktavuođa sápmelaččaid ja Suoma stáhta gaskkas ja sápmelaččaid gaskkas.
  • Lasihit diđolašvuođa sápmelaččain Suoma eamiálbmogin.