Sämmilij tuotâvuotâ- já sovâdâttâmkomissio lii valjim jieijâs čäällimkoodán kulmâ vuávájeijee. Väljejum ulmuuh láá Aslak-Uula Länsman Anarist, Martta Alajärvi Ruávinjaargâst já Inari Alanko Oulust. Puoh vuávájeijeeh algâtteh pargostis njuhčâ-cuáŋuimáánust.
Inari Alanko lii čođâldittâm antropologia já ovdánem ovtâstittum kandidaat tutkos Sussex ollâopâttuvâst já sun lii kiergâtmin kulttuurantropologia uápuidis Oulu ollâopâttuvâst. Alanko lii toimâm ovdil ovdâmerkkân sämikielâlâš palvâlemäššitobden Kelast.
Aslak-Uula Länsman lii pajealmai Sallivääri palgâsist. Sun lii luuhâm puálunjunošij insinerškovliittâsâst áámmátollâškovlâ Savoniast já sosiologia Laapi ollâopâttuvâst. Länsman lii toimâm ovdil ovdâmerkkân sämitige vs. kulttuurčällen.
Martta Alajärvi lii čođâldittâm riehtinootaar tutkos Laapi ollâopâttuvâst já humanistisij tiettui kandidaat tutkos Oulu ollâopâttuvâst válduaamnâsin anarâškielâ. Alajärvi lii porgâm ovdil ovdâmerkkân toimâtteijen Yle Säämist.
Vuávájeijeeh huolâtteh komissio váldučällee jođettem vyeln komissio almolijn haldâttâhpargoin mahte ruttâtuálust já mätkiaašijn, já lasseen komissio čälleekode eres keevâtlijn tooimâin. Toi lasseen vuávájeijein lii ovdâsvástádâs siskáldâs já ulguupele viestâdem vuáváámist já olášutmist.