Stáhtaráđđi lea ovttasráđiid Sámedikkiin ja Nuortalaččaid siidačoahkkimiin ásahan Sámiid duohtavuohta- ja soabadankommišuvnna, man doaibmaáigodat lea 28.10.2021-31.12.2023. Sámiid duohtavuohta- ja soabadankommišuvnna mihttomearrin lea identifiseret ja árvvoštallat sápmelaččaid vásihan historjjálaš ja dálá olggušteami. Dása gullet earret eará stáhta assimilerenpolitihkka ja vuoigatvuođaid loavkideamit.
Kommišuvnna doaibman lea čielggadit, mo dát váikkuhit sápmelaččaide ja servodahkii otnábeaivve dilis. Sápmelaččaid duohtavuođa- ja soabadankommišuvdna lea barggustis iehčanas ja sorjjasmeahttun dego ásahanmearrádusas daddjo.
Sámiid duohtavuohta- ja soabadankommišuvdna gárvvista barggustis raportta, mii sisttisdoallá konkrehta doaibmabidjoevttohusaid. Raporta luobahuvvo stáhtaráđđái, Sámediggái ja Nuortalaččaid siidačoahkkimii 31.12.2023 rádjai. Kommišuvnnas leat vihtta sierra oassebeliid evttohan komissára. Kommišuvnna barggu doarjjan bálkáhuvvo čállingoddi. Kommišuvdna vállje alcces váldočálli ja eará čállingotti. Kommišuvnna čállingoddi doaibmá hálddahuslaččat stáhtaráđi kansliija oktavuođas ja kansliija doarju geavatlaš doaimma stáhta bušeahttaárvalusas mieđihuvvon mearreruđaiguin.
Stáhtaráđi kansliija almmuha rabasin
Sámiid duohtavuohta- ja soabadankommišuvnna váldočálli
mearreáigásaš virgegaskavuođa kommišuvnna doaibmabaji áigái 31.12.2023 rádjai. Mearreáigásašvuođa sivvan lea barggu luondu.
Váldočállin bargan olbmo doaimmaide gullet čállingotti barggu jođiheapmi ja organiseren kommišuvnna bagadallamis. Son doaibmá čállingotti hálddahuslaš ovdaolmmožin ja vástida earret eará ekonomiijaplánemis ovttas kommišuvnnain. Váldočálli oassálastá geavatlaš kommišuvdnabargui čállingottis, gos su lassin barget 3-4 olbmo. Lassin váldočálli oassálastá kommišuvnna čoahkkimiidda čállin.
Buoremus válmmašvuođaid doaimma dikšumii addá bajit allaskuvladutkkus dahje muhtun eará dutkkus, mii doarju doaimmas ceavzima. Ohccis gáibidat sámegiela buori njálmmálaš ja girjjálaš čehppodaga, ásahuvvon virgeolbmuin gáibiduvvon ruovtturiikka giela čehppodaga, eará (eandalii eŋgelasgiela) giellamáhtu ja sámekultuvrra dovdama. Čehppodat fierpmáiduvvat, ovttasbargonákca ja nákca sevlet ja čuoldit viiddis dutkanmateriála ovddidit čađahit doaimma menestumiin. Geavadagas čájehuvvon jođihanmáhttu lea ovdun čállingotti barggu stivremis.
Čállingotti doaibmabáiki boahtá leat sápmelaččaid ruovttuguovllus, man ohcci berre váldit vuhtii. Dárkilut sajuštanbáiki čielgá maŋŋeleappos. Doaibma gáibida doaibmabáikkis leahkima ja oassái mátkkošteami doaimmaid dárbbašan viidodagas. Doaimmas lea gáiddusbargovejolašvuohta.
Bálká lea stáhta bálkágeavadagaid mielde. Ohcci sáhttá buktit ovdan iežas bálkásávaldaga ohcamušas oktavuođas.
Virgái dahje doibmii válljejuvvon olbmos sáhttá dahkkot ohcci miehtamiin olmmošdorvvolašvuođačielggadus (Dorvvolašvuođačielggadanláhka 726/2014).
Dorvvolašvuođačielggadanmeannudeamis ja čielggadusa čuozáhaga rivttiin leat dárkilut dieđut čujuhusas www.supo.fi.
Virgegaskavuođas sáhttá heivehuvvot eanemustá guđa mánu geahččalanáiggi.
Lassidieđuid doaimmas addiba komissára Hannele Pokka puh. 040 4822 772 ja plánejeaddji Inari Alanko tel. 0295 160 245.
Doaimma ohcanáigi álgá 7.10.2022. Stáhtaráđi kansliijai čujuhuvvon ohcamušaid bivdit doaimmahit maŋimustá 22.10.2021 dmu 16.15 rádjai ja geavahit vuosttažettiin skovi čujuhusas www.valtiolle.fi (ID 23-74-2022 sirdá njuolga almmuhussii). Maŋŋonan ohcamušat eai váldojuvvo vuhtii. Ohcamuša sáhttá doaimmahit maiddái stáhtaráđi kansliija registrerenkantuvrii poastačujuhusain PL 23, 00023 Valtioneuvosto dahje galledančujuhusain Ritarikatu 2 B, Helsinki dahje šleađgapoasttain kirjaamo@vnk.fi.