Stáhtaráđi kansliija almmuha ohcan láhkai
sámiid duohtavuohta- ja soabadankomišuvnna gulahallanplánejeaddji
mearreáigásaš virgegaskavuođa áigodahkii 1.2.2025–31.12.2025. Álggaheamis sáhttit soahpat maid sierra. Mearreáigásašvuođa ággan lea barggu luondu.
Čállingottis barget váldočálli ja plánejeaddjit. Gulahallamis ja dan iešguđet hámiin lea guovddáš rolla komišuvnna barggu čalmmustahttimis ja komišuvdnii ásahuvvon bargguid ollašuhttimis. Gulahallanplánejeaddji dikšu komišuvnna diehtojuohkima ja gulahallama, buvttada materiála komišuvnna neahttasiidduide www.sdtsk.fi, sosiála media kanálaide ja ođasmediai ja ollašuhttá eará bargguid, maid váldočálli addá.
Ohcanalmmuhus: Gulahallanplánejeaddji (sámiid duohtavuohta- ja soabadankomišuvnna čállingoddi)